У Баранавічах адбылося паседжаньне каардынацыйнай рады Эўрапейскай Кааліцыі. Каардынацыйная рада Кааліцыі зацьвердзіла выніковы аналіз прэзыдэнцкай кампаніі, падрыхтаваны Мікалаем Статкевічам.

У паседжаньні рады кааліцыі прынялі ўдзел кіраўнікі чатырох палітычных арганізацыяў - удзельніц стала дзеючай нарады дэмакратычных сілаў (дзясяткі), а таксама кіраўнікі непалітычных арганізацыяў - сябраў Эўрапейскай Кааліцыі.

Каардынацыйная рада Кааліцыі пасьля разгляду й абмяркаваньня зацьвердзіла выніковы аналіз прэзыдэнцкай кампаніі, падрыхтаваны Мікалаем Статкевічам.

Эўрапейская Кааліцыя лічыць неабходным уважліва прааналізаваць хаду й вынікі выбарчай кампаніі 2006 года ў фармаце агульнай дэмакратычнай кааліцыі. У сувязі з гэтым Кааліцыя прапануе ў бліжэйшы час сабраць у Менску канфэрэнцыю прадстаўнікоў палітычных партыяў-сябраў Стала дзеючай нарады для падвядзеньня вынікаў палітычнай кампаніі.

Скліканьне Кангрэсу дэмакратычных сілаў у бліжэйшы час Эўрапейская Кааліцыя лічыць немэтазгодным. Каардынацыйная рада вызначыла таксама агульную пазыцыю Кааліцыі адносна далучэньня да ПДС новых палітычных суб'ектаў.

ПРЭЗЫДЭНЦКАЯ ПАЛІТЫЧНАЯ КАМПАНІЯ 2006 ГОДА.
Аналіз і высновы Еўрапейскай Кааліцыі.