 |
 “Сьпяшайцеся рабіць дабро!” – пад такім назовам адбудзецца традыцыйны Калядны Фэст, арганізаваны Маладым Фронтам.
Моладзевы нацыянальны рух Малады Фронт запрашае ўсіх беларусаў наведаць Калядны кірмаш і паслухаць цудоўныя сучасныя беларускія песьні.
Каляды – час цуда, дабра і радасьці. Прынясіце радасьць і цяпло тым, каму яно так неабходна. На сьвяце Вы зможаце ня толькі ахвяраваць грошы, аднак і прынесьці пэўныя рэчы, што патрэбныя дзеткам. Гэта адзеньне, лекі, канцтавары, гульні і шмат-шмат іншага. Больш падрабязны сьпіс рэчаў, неабходных дзіцячым інтэрнатам, Вы можаце ўбачыць ніжэй.
Маладафронтаўскае калядаваньне пачнецца 19 сьнежня на сядзібе партыі БНФ (Машэрава 8, ст.м.Плошча Перамогі) а 18:00. Адбудзецца кірмаш з нагоды Калядных сьвятаў і канцэрт, у якім возьмуць удзел вядомыя беларускія гурты :B:N:, Vinsent, Мутнае вока, Recha.
Падчас канцэрту будуць прадавацца калядныя ўпрыгожваньні, у межах кампаніі “Беларускую кнігу – дзецям!” будуць прымацца ахвяраваньні кніжак.
Мэтаю мерапрыемства зьяўляецца збор сродкаў на падарункі беларускім дзеткам зь дзіцячых дамоў.
Уваход вольны. Але запрашаем кожнага ня быць абыякавым, прынесьці падарунак дзеткам, што апынуліся ў складаных умовах.
19 сьнежня. 18:00. Сядзіба партыі БНФ (Машэрава 8)
Сьпяшайцеся рабіць дабро!
Патрэбы дзіцячых дамоў:
1. Каляскі прагулачныя, калядныя упрыгожванні (гірлянды, лялечкі), дзіцячыя святочныя строі і сукенкі. Ж-24, М-24-26.
2. Ёсьць патрэба ў аправах да дзіцячых акуляраў, што часта ламаюцца. Туалетнае, гаспадарчае мыла, сродкі для чыстак і мыцьця, пральныя парашкі для машын-аўтаматаў, зубныя пасты, шампуні, памперсы, касмэтычныя палачкі, вата, прысыпкі, дзіцячыя крэмы, бінты, пластыры, крэм для абутку.
3. Неабходны масьціка для праштампоўкі бялізны, канцтавары (сшыткі, фламастэры, асадкі, папера для друкаркі), канструктыры й гульні для разьвіцьца ад 3 да 11 гадоў. Таксама неабходны аэрасэпты й інгалятары для прафілактыкі й лячэньня расьпіраторных хваробаў, актываваны вугаль, супрацьалергічныя мазі, комплексы траў, вітаміны, іанізатары паветра, тубусны кварц, сухажаравая шафа для стэрылізаваньня медытычных інструмэнтаў.
4. Дыдактычныя гульні, лялечкі, што гучаць і сьпяваюць, сюжэтна-ралевыя гульні, ёсьць патрэба ў дзіцячых роварах, арэлях, каталках.
5. Надзьмуваныя басэйны, батуты й іншыя падобныя рэчы.
6. Лялькі, кнігі, відыёкасэты, дыскі з мультамі й дзіцячымі фільмамі. Гульні для развіцьця, мячыкі, скакалкі, канькі, лыжы і санкі. Усё можна б.у.
7. Гульнявыя комплекты, інвентар для чысткі снега, фітагарбаты, сіропы для кіслародных кактэляў, вітаміны. |
|
