Малады Фронт. Нацыянальная ідэя - Хрысьціянскія прынцыпы: Інфармацыя /

Пакаленьне Маладога Фронту (rar) 98 кб - гісторыя моладзі, народжанай у 1970-85гг. (Павал Севярынец)

Нацыянальная ідэя. Фэнаменалёгія Беларусі (rar) 251 кб - Асэнсаваньне беларускай нацыянальнай ідэі як сутнасна хрысьціянскай праз дасьледваньне 200 самых вядомых беларускіх фэномэнаў (Павал Севярынец)

“Беларускую кнігу – дзецям!”: сабрана болей за 1100 кніг на беларускай мове

“Малады Фронт” падводзіць вынікі традыцыйнай дабрачыннай кампаніі “Беларускую кнігу – дзецям”, што распачалася 1 верасьня й скончылася пасьля праваслаўных калядаў.

За гэты пэрыяд было сабрана болей за 1100 дзіцячых і падлеткавых кніг на беларускай мове ў наступных гарадах: Менск, Салігорск, Магілёў, Бяроза, Вілейка, Ліда, Бабруйск, Наваградак, Мазыр і Баранавічы. У Бабруйску й Вілейцы акцыю праводзілі супольна “Малады Фронт” і “Моладзь БНФ”.

Як адзначылі арганізатары кампаніі, з-за таго, што ў перадкалядны пэрыяд у дзіцячых дамах ладзіцца шмат мерапрыемстваў й адміністрацыя была вельмі загружаная, большую частку візытаў у дзіцячыя інтэрнаты прыйшлося адкласьці на пасьлякалядны пэрыяд.

Усяго на дадзены момант былі арганізаваны імпрэзы ў 9 дзіцячых дамах (зь іх 3 у Менску), яшчэ чакаецца ля 5 візытаў цягам бліжэйшых двух тыдняў.

Падчас кампаніі “Малады Фронт” арганізаваў два дабрачынныя канцэрты, уключна з штогадовым “Калядным Фэстам”, у якіх прынялі ўдзел гурты B:N:, Vinsent, Recha, Мутнае вока, “Скрыжалі”, сьпевакі Андрэй Мельнікаў, Міхал Бараноўскі, Ната Пушкарова.

Бард-сьпявачка Тацьцяна Беланогая нават наведала адзін зь менскіх дзіцячых дамоў разам з маладафронтаўцамі й сыйграла для дзяцей.

Кампанію падтрымалі славутыя беларускія паэты Ніл Гілевіч, Генадзь Бураўкін; гісторык Уладзімер Арлоў, народная артыстка Беларусі Зінаіда Бандарэнка; выдавецтва “Кнігазбор”, выдавецтва “Лімарыус”, ЗБС “Бацькаўшчына”, амэрыканская амбасада ў Беларусі.

Акрамя таго, кампанія мела тэхнічную падтрымку: быў створаны адмысловы сайт кампаніі http://www.belkniha.org, сярод людзей распаўсюджваліся памятныя значыкі, каляндарыкі, улёткі.

Нагадаем, кампанія “Беларускую кнігу – дзецям!” была запачаткавана Салігорскай філіяй МФ у 2006 годзе, але ўжо праз год набыла агульнарэспубліканскі характар.

НАШЫЯ ВІНШАВАНЬНІ

2 верасьня сьвяткуе Дзень народзінаў цудоўная дзяўчыны Кася Галіцкая! =)

Даражэнькая Касенька!

Віншуем цябе з гэтым файным днём! Няхай твой жыцьцёвы шлях будзе прасякнуты радасьцю й прыгажосьцю! Няхай штодзёныя перамогі заўжды радуюць цябе. Хай твае вочы заўжды зьзяюць вераю й надзеяй у сьветлую будучыню нашай краіны.

Зычым Божай ласкі табе й моцы! Моцы, каб пабачыць жыццё яшчэ лепшым : )

НАПІШЫ!

Мікалай Аўтуховіч: 225295, Берасьцейская вобл., г. Івацэвічы, а/с 20, атрад №13, Папраўчая ўстанова №22

Уладзімер Асіпенка: 225295, Берасьцейская вобл., г. Івацэвічы, а/с 20, 1 атрад, Папраўчая ўстанова №22

Міхаіл Казлоў: 211300, Віцебская вобл., Віцебскі р-н, п.Віцьба, Папраўчая калёнія №3

Яўген Скрабец: 247210, г.Жлобін, вул. Леніградская, в/ч 83469

Андрусь Цянюта: 210023, г.Віцебск, вул.Фрунзэ, 41 б, вч 52287

Рамановіч Станіслаў: 220056, г. Менск, ваенны гарадок "Уручча", вч 29766