Мінгарвыканкам дазволіў шэсце на «Дзяды»

Мінгарвыканкам дазволіў шэсце на «Дзяды»

Мінгарвыканкам дазволіў правядзенне традыцыйнага шэсця ў дзень памінання продкаў Дзяды 30 кастрычніка, паведаміў адзін з заяўнікаў акцыі намеснік старшыніКансерватыўна-хрысціянскай партыі — БНФ Юрый Беленькі.

«Мне патэлефанавалі з Мінгарвыканкама, сказалі, што шэсце і мітынг у Курапатах 30 кастрычніка дазволены. Яны прапанавалі прыехаць і забраць дазвол, цяпер я накіроўваюся ў Мінгарвыканкам. Учора падчас маёй размовы з чыноўнікамі Мінгарвыканкама мне было сказана, што шэсце будзе дазволена па традыцыйным маршруце», — адзначыў Беленькі.

Збор удзельнікаў шэсця плануецца 30 кастрычніка ў 10.30 каля гадзіннікавага завода «Прамень (Луч)».Шэсце пройдзе па праспекце Незалежнасці, вуліцах Каліноўскага, Сядых, Гамарніка, Мірашнічэнкі. Пачатак мітынгу ў Курапатах запланаваны на 15.00.

Рашэння па другой заяўцы на традыцыйнае шэсце, якое праводзіць КХП-БНФад камвольнага камбіната да памятнага крыжа ў Лошыцкім яры (6 лістапада), пакуль няма. «У Мінгарвыканкама склалася такая практыка, што хоць за паўгода падавай заяўку на акцыю, усё роўна дадуць адказ у апошні момант», — сказаў Беленькі.

Паводле яго слоў, 29 кастрычніка актывісты КХП-БНФправядуць прыбіранне тэрыторыі мемарыяла «Курапаты».

Наша Ніва, са спасылкаю на http://www.belapan.com/

Падзяліцца:

Каментары

  1. падсрэкацель)) (Oct 25, 2011:21:12)Адказаць

    Зьбірайцеся,хлопцы,бярыце ламы!
    Сяброўскай камандай ідзем на ДЗЯДЫ!
    Зьмяняем маршрут і заходзім ў Дразды!
    І там усім вусатым даем мы(хто што зможа);)))

  2. падсрэкацель)) (Oct 25, 2011:21:13)Адказаць

    Зьбірайцеся,хлопцы,бярыце ламы!
    Сяброўскай камандай ідзем на ДЗЯДЫ!
    Зьмяняем маршрут і заходзім ў Дразды!
    І там усім вусатым даем мы(хто што зможа);)))