5 чэрвеня ў Луцку (Украіна) адбылася прэзентацыя міжнароднага цэнтру “Супрацоўніцтва бязь межаў”. Цэнтр, заснаваны па ініцыятыве ўсеукраінскай моладзевай арганізацыі “Нацыянальны Альнс” і беларускай моладзевай арганізацыі “Малады Фронт”, ставаіць на сваёй мэце распаўсюд інфармацыі на тэрыторыях краін-сябраў

Цэнтру пра сітуацыю ў Беларусі, супрацоўніцтва з органамі ўлады розных узроўняў краін-сябраў Цэнтру для эфектыўнай працы па вырашэнні “беларускага пытання”, спрыянне і каардынацыю ініцыятываў палітычных партый і грамадскіх арганізацый краін-сябраў Цэнтру, накіраваных на вырашэнне праблемы адсутнасці дэмакратыі ў Беларусі, навучанне актывістаў НДА Беларусі эфектыўным ва ўмовах дыктатуры палітычным тэхналогіям і пабудове дэмакратычнай дзяржавы.

Падмуркам для заснавання цэнтру стала плённае супрацоўніцтва УМГА “Нацыянальны Альянс” з шэрагам апазіцыйных аб’яднанняў у Беларусі.

На прэс-канферэнцыі, прысвечанай адкрыццю цэнтру, прадстаўнік “Маладога Фронту” Ігар Шчэкарэвіч і старшыня ўсеўкраінскай моладзевай арганізацыі “Нацыянальны Альянс” Ігар Гузь расказалі пра планы Цэнтру.

Так, плануецца аб’яднанне ў межах цэнтру шэрагу еўрапейскіх арганізацый, занепаконых крытычным становішчам сучаснай Беларусі, а бліжэйшым часам - правядзенне навучальных семінараў для беларускіх дэпутатаў мясцовых саветаў і міжнароднага летнега табару для каардынацыі працы моладзі з краінаў Балта-Чарнаморскага рэгіёну. Цэнтр будзе мець уласны электронны бюлетэнь.