Начальнік папраўчай установы, дзе адбывае зьняволеньне Павал Севярынец, не дазволіў яму ўзяць адпачынак для выкананьня абавязкаў даверанай асобы кандыдата ў прэзыдэнты, што зьяўляецца парушэньнем артыкулу 76 Выбарчага кодэксу.

У чацьвер Павал атрымаў афіцыйны адказ начальніка папраўчай установы Дамуця Ігара Антонавіча з адмоваю у законным праве атрымаць адпачынак. Не гледзячы на гэта Павал распачаў абыход жыхароў навакольных вёсак з мэтаю данесьці да выбаршчыкаў аб'ектыўныя зьвесткі аб выбарчай кампаніі, распавесьці пра адзінага кандыдата ад дэмакратычных сілаў Аляксандра Мілінкевіча й ягонай перадвыбарчай праграме.