Некалькі дзесяткаў маладых людзей прыйшлі да гандлёвага дому на Нямізе,трымаючы ў руках талеркі з надпісам "Галадоўка".

Моладзь тлумачыла мінакам,што гэтая акцыі салідарнасьці з удзельнікамі маладафротнаўскае галадоўкі, якія патрабуюць спыненьня крымінальных справаў супраць лідэраў "Маладога Фронту" і вызваленьня ўсіх палітвязьняў.Гэта ўжо ня першы флэш-моб, прысьвечаны тэме галадоўкі моладзі. З кожным днём, дзякуючы шматлікім акцыям салідарнасьці па ўсёй краіне ў падтрымку галадуючых, масаваму распаўсюду друкаваных матэрыялаў і штодзённым паведамленіям ў незалежных СМІ моладзевая галадоўка прыцягвае да сябе ўсё больш грамадзкае увагі.