Вольгу Камягіну разшуквае КДБ

Вольгу Камягіну разшуквае КДБ

Былую актывістку Горадзенскага МФ чарговы раз спрабуе выклікаць на размову КДБ. Гэтым разам чэкісты вырашылі ўручыць павестку праз мужа Вольгі.

Сёння два супрацоўніка КДБ сустрэліся з мужам Вольгі Камягінай Змітром Думчавым у Палацы Піянераў, у якім зараз працуе клуб гістарычнай рэканструкцыі “Двузуб”, удзельнікамі якога з’яўляюцца Вольга і Зміцер. На сустрэчы была ўручана павестка для Вольгі, згодна якой, яна мусіць з’явіцца ва Ўпраўленне КДБ Горадні заўтра ў 14.00.

Нагадаем, што супрацоўнікі КДБ неаднаразова спрабавалі выклікаць Вольгу Камягіну пасля таго, як міліцыянты перапісалі яе дадзеныя падчас адной з “маўклівых серадаў” у Горадні. Вольга не так даўно таксама праводзіла майстарклас для дзяўчат з Горадзенскага МФ па вырабу народных лялек для жонак і маці палітвязняў. Як вядома, у рэзультаце лялькі былі скрадзеныя супрацоўнікамі Ленінскага РАУСу г. Менску.

 

 

Падзяліцца:

Каментары